გარი ჰემერი

ენდოკრინოლოგი, დეტროიტი, აშშ

გარი ჰემერი, MD, PhD გახლავთ შინაგანი მედიცინის, უჯრედული და განვითარების ბიოლოგიის და მოლეკულური და ინტეგრაციული ფიზიოლოგიის დეპარტამენტის პროფესორი მიჩიგანის უნივერსიტეტში. ამჟამად ის მოღვაწეობს, როგორც ენდოკრინული ონკოლოგიის პროგრამის დირექტორი, როგელის კიბოს ცენტრში, სადაც მას უჭირავს პროფესორის თანამდებობა თირკმელზედა ჯირკვლის სიმსივნეებში.

მან MD და PhD ხარისხი ნეირომეცნიერებებში მიიღო ტუფტის უნივერსიტეტში, ხოლო რეზიდენტური შინაგან მედიცინაში და შემდეგ ენდოკრინოლოგიაში და დიპლომის შემდგომი განათლება მიიღო კალიფორნიის უნივერსიტეტში (სან ფრანცისკო).

მან ხელი შეუწყო მიჩიგანის თირკმელზედა ჯირკვლის მეცნიერთა გუნდის ბოლოდროინდელ აღორძინებას, რომელშიც შედიან თირკმელზედა ჯირკვლის დაავადებების შემსწავლელი მეცნიერები. მან მიიღო UofM Jerome Conn-ის ჯილდო შინაგანი მედიცინის გამორჩეული კვლევისთვის, ენდოკრინული საზოგადოების ედვინ ბ. ასთვუდის ჯილდო გამორჩეული კვლევისთვის და არის ASCI-ისა და AAP-ის წევრი. ის გახლავთ ორგანოგენეზის ცენტრის: ღეროვანი უჯრედების და რეგენერაციული მედიცინის, ყოფილი დირექტორი.

მას ეკავა მრავალი ხელმძღვანელი თანამდებობა მიჩიგანის უნივერსიტეტსა და სახელმწიფო და კერძო სექტორებში, მათ შორის, იყო სამეცნიერო მრჩეველთა საბჭოს წევრი კიბოს ეროვნულ ინსტიტუტში. ის გახლავთ ოთხი წიგნის რედაქტორი, მათ შორის, დაავადების პათოფიზიოლოგია: კლინიკური მედიცინის შესავალი (McGraw Hilll), და დეგრუტის ენდოკრინოლოგიის (Elsevier) თირკმელზედა ჯირკვლის სექციის მომავალი რედაქტორი. ის მოღვაწეობდა მსოფლიოს უდიდეს ენდოკრინულ ორგანიზაციაში, (ამერიკის) ენდოკრინულ საზოგადოებაში (Endocrine Society), მათ შორის, მისი ბოლო თანამდებობა იყო ენდოკრინული საზოგადოების პრეზიდენტი (2020-2021). როგორც კონგრესის H.E.L.P-ის მრჩეველი - ის გახლდათ 21-ე საუკუნის კიბოს განგაშის (21st Century Cancer ALERT - Access to Life Saving Early Detection, Research and Treatment) აქტის თანაავტორი, რომელიც წარედგინა კონგრესს 2009 წელს.

მან კატალიზატორის როლი ითამაშა ორი საერთაშორისო კოოპერაციული ჯგუფის ჩამოყალიბებაში, ყველაზე ბოლო იყო A5 (American Australian Asian Adrenal Alliance), რომელიც იყენებს თანამშრომლობას, რათა უზრუნველყოს ფარმაცევტული და საფონდო სააგენტოების პროექტების განხორციელება თირკმელზედა ჯირკვლის დაავადებების ფართო სპექტრში. ის არის ორი კომპანიის - MILLENDO და SLING THERAPEUTICS თანადამფუძნებელი, რომლებიც ფოკუსირებულია იშვიათ ენდოკრინულ დაავადებებზე.

ნათია ვაშაყმაძე

ენდოკრინოლოგი. თბილისი, საქართველო

ნათია ვაშაყმაძე არის საქართველოს ენდოკრინოლოგიისა და მეტაბოლიზმის ასოციაციის (GAEM) დამფუძნებელი და პრეზიდენტი.

იგი არის კლინიკა ჰელსიკორის ენდოკრინოლოგიური განყოფილების ხელმძღვანელი და კლინიკა „კარდიო“-ს კონსულტანტი ენდოკრინოლოგი. არის დავით ტვილდიანის სამედიცინო უნივერსიტეტის მიწვეული ლექტორი ბიოქიმიისა და მოლეკულური ბიოლოგიის მიმართულებით.

ზოგადი სამედიცინო განათლება მიღებული აქვს თბილისის სახელმწიფო სამედიცინო უნივერსიტეტში, კლინიკური რეზიდენტურა ენდოკრინოლოგიაში გავლილი აქვს სანკტ-პეტერბურგის სამედიცინო უნივერსიტეტში, რის შემდგომაც კვალიფიკაციის ამაღლების მიზნით იმყოფებოდა ბერლინში, შატირეს საუნივერსიტეტო კლინიკაში ენდოკრინოლოგიისა და იშვაითი მეტაბოლური დარღვევების განყოფილებაში.

ნათია ვაშაყმაძის ორგანიზებით საქართველოში გაიმართა 10 საერთაშორისო კონფერენცია ევროპისა და ამერიკის წამყვანი ექსპერტებისა და ადგილობრივი წამყვანი ექიმების მონაწილეობით. აღნიშნული შეხვედრების ნაწილი გაიმართა ევროპის ენდოკრინოლოგიის საზოგადოების (ESE), ენდოკრინოლოგიის საერთაშორისო საზოგადოების (ISE), ამერიკულ ავსტრიული ფონდის (AAF) და ღია სამედიცინო ინსტიტუტის (OMI) მხარდაჭერითა და პარტნიორობით. განსაკუთრებით აღსანიშნავია 2022 წლის შემოდგომაზე გამართული ევროპის ენდოკრინოლოგიის საზოგადოების 30-ე დიპლომისშემდგომი განათლების კურსი, რომელიც საქართველოში პირველად სწორედ მისი მოწვევითა და მასპინძლობით ჩატარდა.

ნათია ვაშაყმაძის ხელმძღვანელობითა და ორგანიზებითა ითარგმნა და გამოიცა მაღალი ხარისხის სამედიცინო ლიტერატურა ქართულ ენაზე, კერძოდ კი შესაბამისი ორგანიზაციების ოფიციალური ნებართვით ითარგმნა და გამოიცა ამერიკის თირეოიდული ასოციაციის (ATA) 2 გაიდლაინი, ევროპის თირეოიდული ასოციაციის (ETA) 3 გაიდლაინი და ენდოკრინული საზოგადოების (Endocrine Society) 4 გაიდლაინი. მისი ხელმძღვანელობით მომზადდა 4 ეროვნული გაიდლაინი, რომლებიც ატვირთულია ჯანმრთელობის დაცვის სამინისტროს ვებ გვერდზე.

ნათია ვაშაყმაძე არის წიგნის „დაბერების ენდოკრინოლოგია დიაგრამებსა და სურათებში“ პირველი გამოცემა, ემილიანო კორპას კობისა, მე-20 თავის თანაავტორი და ამავე წიგნის ქართულენოვანი ვერსიის (მიმდინარე) მთავარი რედაქტორი.

იგი მუდმივად ესწრება საერთაშორისო და ადგილობრივ კონფერენციებს, ხშირად აქვს მოხსენებები სტუდენტებისთვის, რეზიდენტებისა და ექიმებისთვის როგორც ადგილობრივ, ასევე საერთაშორისო ღონისძიებებზე.

ნათია ვაშაყმაძე არის ევროპის ენდოკრინოლოგიის საზოგადოების (ESE), ევროპის ახალგაზრდა მეცნიერ ენდოკრინოლოგთა საზოგადოების (EYES), ენდოკრინოლოგიის საერთაშორისო საზოგადოებისა (ISE), ამერიკის ენდოკრინული საზოგადოების (Endocrine Society) მოქმედი წევრი.

ხუან–კარლოს გალოფრე

ენდოკრინოლოგი. ბარსელონა, ესპანეთი

ექიმი გალოფრე არის ნავარას სამედიცინო უნივერსიტეტის სამედიცინო ფაკულტეტის ვიცე–დეკანი. იგი არის ნავარას საუნივერსიტეტო კლინიკის წამყვანი ენდოკრინოლოგი და ასისტენტ-პროფესორი. პროფესორმა გალოფრემ დაამთავრა ბარსელონას ავტონომიური უნივერსიტეტის სამედიცინო ფაკულტეტი 1980 წელს, შემდგომ გააგრძელა რეზიდენტურა ნავარას სამედიცინო უნივერსიტეტში.

PhD ხარისხი აიღო სანტიაგო დე კომპოსტელას უნივერსიტეტში. იგი არის საერთაშორისოდ აღიარებული ექსპერტი თირეოიდოლოგიაში. პროფესორი გალოფრე არის ესპანეთის ენდოკრინოლოგიის საზოგადოების თირეოიდული განყოფილებისა და თირეოიდული კვლევის ჯგუფის ხელმძღვანელი.

მისი ავტორობით ტარდება კვლევები თირეოიდოლოგიაში მთელი ესპანეთის მასშტაბით. ის არის ესპანეთის ენდოკრინოლოგიის საზოგადოების ჟურნალის სარედაქციო საბჭოს წევრი. ის არის 70-ზე მეტი ორიგინალური ნაშრომისა და 30-ზე მეტი წიგნის თავის ავტორი. იგი არის მიწვეული სპიკერი ევროპის ენდოკრინოლოგიის საზოგადოებისა და ევროპის თირეოიდული საზოგადოების საერთაშორისო კონფერენციებზე.

დავით მეტრეველი

ენდოკრინოლოგი, თბილისი, საქართველო

დავით მეტრეველი თბილისის სახელმწიფო სამედიცინო უნივერსიტეტის ენდოკრინოლოგიის დეპარტამენტის ემერიტუსი პროფესორია. საექიმო სტაჟი ენდოკრინოლოგიაში - 49 წელიწადი. პედაგოგიური საქმიანობის სტაჟი 43 წელიწადი. ექიმთა დახელოვნების თბილისის სახელმწიფო ინსტიტუტის ენდოკრინოლოგიის კათედრის გამგე 1986 წლიდან.

საქართველოს ოკუპირებული რეგიონებიდან დევნილთა, შრომის, ჯანმრთელობის და სოციალური დაცვის სამინისტროს მთავარი ენდოკრინოლოგი 1986 წლიდან, ამავე სამინისტროს ექსპერტი-ენდოკრინოლოგი 2006 წლიდან. საქართველოს ენდოკრინოლოგთა საზოგადოების თავმჯდომარე 2015 წლიდან. საქართველოს დიაბეტის სახელმწიფო პროგრამის კოორდინატორი 1997-2006 წლებში, დიაბეტის საერთაშორისო ევროპული პროგრამის კოორდინატორი საქართველოში 1993 წლიდან, საქართველოს დიაბეტური ასოციაციის სამედიცინო დირექტორი, იოდის დეფიციტით გამოწვეულ დაავადებათა პროფილაქტიკის სახელმწიფო პროგრამის მეცნიერი-კონსულტანტი 1997 წლიდან. ევროპის ენდოკრინოლოგთა საზოგადოების წევრი, ევროპის თირეოიდული ასოციაციის წევრი, დიაბეტის შემსწავლელი ევროპული ასოციაციის წევრი, ამერიკის ენდოკრინოლოგთა საზოგადოების წევრი. შ.პ.ს. „დავით მეტრეველის სამედიცინო ცენტრი“-ს დირექტორი და კლინიკური სამსახურის ხელმძღვანელი.

უმთავრესი მეცნიერული ინტერესების სფერო: კლინიკური ენდოკრინოლოგია, დიაბეტოლოგია, თირეოიდოლოგია. 172 სამეცნიერო პუბლიკაციის ავტორი როგორც ეროვნულ, ისე საერთაშორისო გამოცემებში.

პიტერ ლანსბერგი

ლიპიდოლოგი. ამსტერდამი, ნიდერლანდები

ექიმი ლანსბერგი არის ლიპიდოლოგი, გრონინგენის უნივერსიტეტის პროფესორი. ექიმმა ლანსბერგმა MD და PhD ხარისხი მოიპოვა ამსტერდამის უნივერსიტეტში. მისი სადოქტორო ნაშრომის თემა იყო „ოჯახური ჰიპერქოლესტეროლემიის მოლეკულური საწყისები და მკურნალობა“.

იგი არის ჰოლანდიის ლიპიდების კლინიკების ქსელის (Dutch lipid clinic network) დამფუძნებელი და ყოფილი ხელმძღვანელი. მან შექმნა ჰოლანდიური ლიპიდების კლინიკების ქსელის კრიტერიუმები ოჯახური ჰიპერქოლესტეროლემიის შესახებ, რომელიც დღეს აღიარებულია მთელი მსოფლიოს მიერ და ევროპის კარდიოლოგთა საზოგადოებისა და ამერიკის კლინიცისტ ენდოკრინოლოგთა საზოგადოების გაიდლაინებში შეტანილია ოჯახური ჰიპერქოლესტეროლემიის დიაგნოსტიკის ოქროს სტანდარტად. იგი ჩართული იყო მრავალ კლინიკურ კვლევაში რომელიც შეისწავლიდა ლიპიდების მართვას და გენეტიკურ კვლევას ამსტერდამის სამედიცინო ცენტრში.

2019 წელს იგი მიწვეული იყო ათეროსკლეროზის საერთაშორისო ასოციაციის ევროპის რეგიონული ფედერაციის აღმასრულებელი კომიტეტის Faculty წევრად.

იგი არის მრავალი სტატიის, წიგნის თავებისა და პუბლიკაციის ავტორი და თანაავტორი.

მისი სამეცნიერო და კლინიკური აქტივობის პარალელურად ექიმი ლანსბერგი ეწევა აქტიურ საგანმანათლებლო აქტივობას, მას 1000-ზე მეტი მოხსენება აქვს წარდგენილი საერთაშორისო ვოქრშოპებსა და საერთაშორისო კონფერენციებზე კარდიოვასკულარული რისკის მართვისა, ლიპიდებისა და ათეროსკლეროზის პრევენციის შესახებ 65-ზე მეტ ქვეყანაში. იგი არის საერთაშორისოდ აღიარებული ექსპერტი და ერთ-ერთი საუკეთესო სპიკერი ლიპიდოლოგიაში.

პაატა ქავთარია

კარდიოლოგი. თბილისი, საქართველო

პაატა ქავთარია - კარდიოლოგი, კარდიოვასკულარული ენდოკრინოლოგიის სექციის ხელმძღვანელი

2014 - დღემდე - კლინიკა "კარდიოს" კარდიოლოგ-კონსულტანტი;

2015 - დღემდე შ.პ.ს. „სისტოლას“ დირექტორი

1998 - 2022 - "კარდიოექსპრესის" ჟურნალი ექიმებისთვის რედაქტორი;

2003 – 2017 წ. - საჩხერის საავადმყოფო - პოლიკლინიკური გაერთიანების კარდიოლოგიური სამსახურის კურატორი;

2000-2014წ. - შპს "კარდიოექსპრეს დიაგნოსტიკის" კარდიოლოგ-კონსულტანტი;

1995-2002 წ. - თავდაცვის სამინისტროს ცენტრალური სამხედრო ჰოსპიტალის ინტენსიური თერაპიის განყოფილების გამგე;

1994-დღემდე - შპს "კარდიოექსპრესის"თანადამფუძნებელი;

1987-2005 წ. - წინამძღვრიშვილის სახელობის კარდიოლოგიის ს/კ ინსტიტუტის კარდიორეანიმატოლოგი;

ბულენთ ილდიზი

ენდოკრინოლოგი. ანკარა, თურქეთი

ბულენთ ილდიზი, ექიმი ჰაჯეტეპეს უნივერსიტეტის სამედიცინო სკოლა, ანკარა, თურქეთი

ექიმი ბულენთ ილდიზი გახლავთ ჰაჯეტეპეს უნივერსიტეტის სამედიცინო სკოლის (ანკარა, თურქეთი) მედიცინის/ენდოკრინოლოგიისა და მეტაბოლიზმის პროფესორი. მისი კლინიკური და კვლევის ინტერესის სფეროს წარმოადგენს სიმსუქნე, დიაბეტი და ანდროგენების სიჭარბე ქალებში, პოლიცისტური საკვერცხეების სინდრომის ჩათვლით. მას გამოქვეყნებული აქვს 140 ორიგინალური სტატია, მიმოხილვა და სახელმძღვანელოს თავი, წარმოდგენილი აქვს რამდენიმე პრეზენტაცია, ლექცია და კონფერენცია მსოფლიოს მასშტაბით.

პროფ. ილდიზი გახლდათ ევროპის ენდოკრინოლოგიის საზოგადოების აღმასრულებელი კომიტეტის წევრი და ოფიცერი, ასევე ანდროგენების სიჭარბისა და პოლიცისტური საკვერცხეების სინდრომის საზოგადოების მმართველი წევრი. ის სათავეში ედგა ევროპის ენდოკრინოლოგიის კონგრესს 2017 წელს და გახლდათ ენდოკრინული საზოგადოების ყოველწლიური კონგრესის ENDO 2021-2022-ის თანახელმძღვანელი. ამჟამად ის მოღვაწეობს როგორც ევროპის ენდოკრინული საზოგადოების რეპროდუქციული და განვითარების ენდოკრინოლოგიის ფოკუსის არეალის კლინიკური ლიდერი. ის გახლავთ უნიკალური საერთაშორისო საგანმანათლებლო ინიციატივის, EndoBridge-ის დამაარსებელი და პრეზიდენტი, რომელსაც მხარს უჭერს ენდოკრინული საზოგადოება და ევროპის ენდოკრინული საზოგადოება.

მას მინიჭებული აქვს გამორჩეული ახალგაზრდა მეცნიერის ჯილდოები ჰაჯეტეპეს უნივერსიტეტიდან, თურქეთის მეცნიერებათა აკადემიიდან, თურქეთის სამეცნიერო და ტექნოლოგიური კვლევის საბჭოსგან, მინიჭებული აქვს ევროპის ენდოკრინოლოგიის საზოგადოების სპეციალური აღიარების ჯილდო, ვალტერ ფუტერვეიტის კლინიკური კვლევის ბრწყინვალების ჯილდო AE-PCOS საზოგადოების და ეიზენჰაუერის სტიპენდია საერთაშორისო ლიდერებისთვის ამერიკის შეერთებული შტატების ეიზენჰაუერის ფონდიდან. ექიმი ილდიზის სტიპენდია განკუთვნლია აკადემია-მთავრობა-მრეწველობის კვლევებისთვის, საჯარო პოლიტიკისა და ჯანდაცვის სფეროში ქრონიკული დაავადებების, განსაკუთრებით დიაბეტისა და სიმსუქნის პრევენციისა და მართვისთვის.

მარინა გორდელაძე

ბავშვთა ენდოკრინოლოგი, თბილისი, საქართველო

მარინე გორდელაძე - პროფესორი, თსსუ ენდოკრინოლოგიის დეპარტამენტის ხელ.ლი, ,გ.ჟვანიას სახ.პედიატრიის აკადემიური კლინიკის ბავშვთა ენდოკრინოლოგიური ცენტრის ხელმძღვანელი, საქართველოს პედიატრ ენდოკრინოლოგთა ასოციაციის პრეზიდენტი

1978 წელს დაამთავრა თბილისის სახ.სამედიცინო უნივერსიტეტი, 1980 წელი - კლინიკური ორდინატურა პედიატრიაში.

1980-1984 - საკავშირო ენდოკრინოლოგიის ინსტიტუტი, ასპირანტი, ქ.მოსკოვი.

1985 წელი - დაიცვა საკანდიდატო დისერტაცია თემაზე „აუტოიმუნური თირეოიდიტის დიაგნოსტიკისა და მიმდინარეობის თავისებურებანი ბავშვთა ასაკში“.

1985-2000 წ.წ. - თსსუ ენდოკრინოლოგიის დეპარტამენტის ასისტენტ-პროფესორი.

2000-2020 წ.წ. - ასოცირებული პროფესორი.

2021წ.-დან დღემდე - პროფესორი.დეპარტამენტის ხელმძღვანელი.

1996-2007 წ.წ. - იოდდეფიციტის პროფილაქტიკის სახელმწიფო პროგრამის მთავარი სპეციალისტი.

1996-2007 წ.წ. - საქართველოში პირველი „ბავშვთა დიაბეტური სკოლის“ ორგანიზატორი და ხელმძღვანელი.

2004 წელი - საქართველოში თანდაყოლილ ჰიპოთირეოზზე ნეონატალური სკრინინგის გაიდლაინის ავტორი.

2006 წლიდან დღემდე ბავშვთა ენდოკრინოლოგიაში სახელმწიფო სარეზიდენტო პროგრამის ავტორი და დირექტორი.

2014 წლიდან საქართველოს პედიატრ ენდოკრინოლოგთა ასოციაციის დამფუძნებელი და პრეზიდენტი.

2010 წლიდან ბავშვთა ენდოკრინოლოგიაში 5 საერთაშორისო კვლევის პროექტის მთავარი მკვლევარი.

არის ESPE, EASD და სხვა ადგილობრივი და საერთაშორისო ასოციაციების წევრი. 4-ჯერ წარდგა მოხსენებით ზემოაღნიშნული ასოციაციების კონგრესებზე.

არის 6 წიგნის და 72 სამეცნიერო ნაშრომის ავტორი.

2012 წელს საქართველოს პრეზიდენტის განკარგულებით დაჯილდოვდა ღირსების ორდენით.

ეკა კვარაცხელია

ენდოკრინოლოგი, თბილისი, საქართველო

დაბადების თარიღი: 1975 წლის 11 ოქტომბერი. დაბადების ადგილი: თბილისი, საქართველო. ოჯახური მდგომარეობა: დაოჯახებული (მეუღლე და 2 შვილი).

დაკავებული თანამდებობა: შპს "დავით მეტრეველის სამედიცინო ცენტრის" ენდოკრინოლოგი 2011 წლიდან დღემდე.

ილიას სახელმწიფო უნივერსიტეტის საბუნებისმეტყველო მეცნიერებებისა და საინჟინრო ფაკულტეტის ენდოკრინოლოგიის და ბავშვთა ენდოკრინოლოგიის მიმართულებით ასოცირებული პროფესორი 2018 წლიდან დღემდე.

თბილისის სახელმწიფო სამედიცინო უნივერსიტეტის მედიცინის ფაკულტეტის ენდოკრინოლოგიის მიმართულების მიწვეული პედაგოგი.

საქართველოს ოკუპირებული ტერიტორიებიდან დევნილთა, შრომის, ჯანმრთელობის და აოციალური დაცვის სამინისტროს ექსპერტი.

გენეტიკურ და იშვიათ დაავადებათა საქართველოს ფონდის საბჭოს წევრი.

განათლება: 1981-1992 წწ. თბილისის მე-3 ექსპერიმენტული სკოლა.

1992-1999 წწ. თბილისის სახელმწიფო სამედიცინო უნივერსიტეტის მედიცინის ფაკულტეტი.

დიპლომის შემდგომი განათლება, სერთიფიცირებული სასწავლო კურსები.

2001 წ. ჰამბურგის საუნივერსიტეტო კლინიკის ბავშთა ენდოკრინოლოგიურ განყოფილებაში გერმანიის აკადემიური გაცვლის სამსახურის სტიპენდიატი, სამეცნიერო და კლინიკური-ლაბორატორიული საქმიანობა.

2004-2007 წწ. თბილისის სამედიცინო აკადემიის დიპლომისშემდგომი განათლების მაძიებელი, სადისერტაციო ნაშრომი შეეხებოდა ზრდის ჰორმონის გამოკვლევის მეთოდოლოგიას ზრდაში ჩამორჩენილ ბავშვთა კონტინგენტში.

01.07-24.09.2012 წ. კლინიკური პრაქტიკა - ბერნის საუნივერსიტეტო კლინიკა ბავშვთა ენდოკრინოლოგიაში, ევროპის პედიატრიული ენდოკრინოლოგიის საზოგადოება.

მონაწილეობს საერთაშორისო კონფერენციებსა და კონგრესებში

თანამკვლევარი საერთაშორისო კლინიკურ კვლევებში

ეცხო ენები: რუსული, ინგლისური, გერმანული

პუბლიკაციები: 16 სამეცნიერო ნაშრომი

მაია ჩიქობავა

ენდოკრინოლოგი, თბილისი, საქართველო

მაია ჩიქობავამ 1990 წ. დაამთავრა თბილისის სახელმწიფო სამედიცინო უნივერსიტეტი. ინტერნატურა გაიარა N1 კლინიკურ საავადმყოფოში ენდოკრინოლოგიურ განყოფილებაში. 1992 წლიდან დღემდე არის ვ. ივერიელის სახელობის ენდოკრინოლოგია-მეტაბოლოგია-დიაბეტოლოგიის ცენტრის ექიმი ენდოკრინოლოგი. გამოქვეყნებული აქვს სტატიები დიაბეტსა და მის გართულებებზე ადგილობრივ და საერთაშორისო ჟურნალებში.

აქტიურად ესწრება საერთაშორისო და ადგილობრივ კონფერენციებს. ხშირად აქვს მოხსენებები ექიმებისთვის. არის ევროპის დიაბეტის შემსწავლელი ასოციაციის (EASD) წევრი.

მამუკა ქობალავა

კარდიოლოგი. თბილისი, საქართველო

მამუკა ქობალავა არის კლინიკა ჰელსიკორის კარდიოლოგიური დეპარტამენტის ხელმძღვანელი. ასევე იგი არის კლინიკა კურაციოს კონსულტანტი კარდიოლოგი.

აქვს სწავლების მრავალწლიანი გამოცდილება. კერძოდ 2000-2003 წლებში იყო კლინიკური კარდიოლოგიის და ეკგ დიაგნოსტიკის საფუძვლების ტრენინგის ჯგუფის თანახელმძღვანელი კარდიოლოგიურ კლინიკა "გულში" სამედიცინო ინსტიტუტ "ცოდნის" სტუდენტებისთვის.

2004-2007 - კლინიკა "გულის" უწყვეტი სამედიცინო განათლების სამსახურის ხელმძღვანელი.

2006-2007 - კლინიკა "გულში" მოვლინებული სამედიცინო უნივერსიტეტის უცხოელი რეზიდენტებისთვის ექოკარდიოსკოპიის სასწავლო კურსის ხელმღვანელი და კლინიკური კარდიოლოგიის კურსის თანახელმძღვანელი

მირებული აქვს ზოგადი სამედიცინო განათლება თბილისის სახელმწიფო სამედიცინო უნივერსიტეტში, 2004 წელს გაიარა საყლაპავისშიდა ექოკარდიოსკოპიის ტრენინგი ფლორენციაში, იტალია. 2009 წელს პროფესიული განვითარების კურსი ექოკარდიოგრაფიაში ჰამერსმიტის ჰოსპიტალში, ლონდონი, დიდი ბრიტანეთი.

2006 წელს დაიცვა მედიცინის მეცნიერებათა კანდიდატის სამეცნიერო ხარისხი კარდიოლოგიაში, იმავე წელს მიენიჭა მედიცინის დოქტორის აკადემიური ხარისხი

გარდა მითითებული ორგანიზაციებისა სხვა და სხვა წლებში მუშაობდა მიხეილ წინამძღვრიშვილის სახელობის კარდიოლოგიის ინსტიტუტში, ჯო ენის სამედიცინო ცენტრში, აკად. ნ. ყიფშიძის სახელობის ცენტრალურ საუნივერსიტეტო კლინიკაში, ამ უკანასკნელში 2014-2019 წლებში იყო კარდიოლოგიური დეპარტამენტის ხელმძღვანელი.

არის ევროპის კარდიოლოგთა საზოგადოების (ESC), ევროპის კარდიოვასკულური გამომსახველობითი საზოგადოების (EACVI) წევრი, სისტემატურად მონაწილეობს აღნიშნული საზოგადოებების, ასევე გულის უკმარისობის, არტერიული ჰიპერტენზიის, ტრომბოზების მართვის, საერთაშორისო ორგანიზაციების ეგიდით გამართულ სამეცნიერო და სასწავლო კონფერენციებში.

მირანდა ბარათაშვილი

ენდოკრინოლოგი, თბილისი, საქართველო

მირანდა ბარათაშვილი საქართველო-ისრაელის მრავალპროფილური კლინიკა ჰელისიკორისა და დავით მეტრეველის სამედიცინო ცენტრის ექიმი ენდოკრინოლოგია.

იგი კონსულტირებას უწევს და მართავს ენდოკრინულ პაციენტებს როგორც ამბულატორიულად, ისე სტაციონარულ დეპარტამენტში.

2005 წელს დაამთავრა თბილისის სახელმწიფო სამედიცინო უნივერსიტეტის სამკურნალო ფაკულტეტი.

2007-2011 წლებში რეზიდენტურის პროგრამა გაიარა თბილისის სახელმწიფო სამედიცინო უნივერსიტეტის დიპლომისშედგომი განათლების და უწყვეტი პროფესიული განვითარების ინსტიტუტში - პროფ. დ. მეტრეველის ხელმძღვანელობით.

2020 წელს გაიარა კვალიფიკაციის გრძელვადიანი პროგრამა ნუტრიციოლოგიაში.

პროფესიული კვალიფიკაციის ამაღლების მიზნით რეგულარულად ესწრება დიპლომისშემდგომი განათლების კურსებს და საერთაშორისო კონგრესებს.

მირანდა ბარათაშვილი არის ევროპის ენდოკრინოლოგიური საზოგადოების (ESE), ევროპის ახალგაზრდა მეცნიერ ენდოკრინოლოგთა საზოგადოების (EYES) ევროპის თირეოიდოლოგთა საზოგადოების (ETA) ევროპის ათეროსკლეროზის საზოგადოების წევრი (EAS) საქართველოს ენდოკრინოლოგთა საზოგადოების და საქართველოს ენდოკრინოლოგიის და მეტაბოლოგიის (GAEM) ასოციაციის წევრი.

ქეთევან უგულავა

ნევროლოგი, თბილისი, საქართველო

1991-1992 - ცენტრალური რესპუბლიკური საავადმყოფო, ნევროლოგიური განყოფილების რეზიდენტურა ნევროლოგიაში, თბილისი, საქართველო, სახელმწიფო სერთიფიკატი ნევროლოგიაში (#04699)

1985-1991 - თბილისის სახელმწიფო სამედიცინო ინსტიტუტი - თბილისი, საქართველო. სერთიფიკატი: ექიმი (დიპლომი #069567), ჯანდაცვის სამინისტრო, საქართველო

2020 - დღემდე - ისრაელ-საქართველოს მრავალპროფილური სამედიცინო ცენტრი “ჰელსიკორი” ექიმი ნევროლოგი

2022 მაისი - დღემდე - სამედიცინო ცენტრი მეტა- ექიმი ნევროლოგი

2019 მაისი 2022 - ონკოლოგიის სამეცნიერო კვლევითი ცენტრი, მარდალეიშვილის სამედიცინო ცენტრი. ექიმი ნევროლოგი

2016-2020 - კლინიკური მედიცინის კვლევითი ინსტიტუტი (თოდუას კლინიკა), ექიმი ნევროლოგი

2015-2017 - New vision უნივერსიტეტი, მოწვეული ლექტორი

2010-2015 - კონსულტანტი ნევროლოგი სარეაბილიტაციო ცენტრში

2007-2015 - Pfizer Luxembourg SARL წარმომადგენლობა საქართველოში სხვადასხვა დროს კარდიოვასკულური და ნევროლოგიური პორტფოლიოს მენეჯერი აზერბაიჯანი-საქართველოში, მარკეტინგის მენეჯერი

2004-2010 - პეტრე სარაჯიშვილის სახელობის კლინიკური და ექსპერიმენტული ნევროლოგიის ინსტიტუტი, მორიგე ექიმი ნევროლოგი.

1992-2004 - პეტრე სარაჯიშვილის სახელობის კლინიკური და ექსპერიმენტული ნევროლოგიის ინსტიტუტი, ექიმი ნევროლოგი