გარი ჰემერი

ენდოკრინოლოგი, დეტროიტი, აშშ

გარი ჰემერი, MD, PhD გახლავთ შინაგანი მედიცინის, უჯრედული და განვითარების ბიოლოგიის და მოლეკულური და ინტეგრაციული ფიზიოლოგიის დეპარტამენტის პროფესორი მიჩიგანის უნივერსიტეტში. ამჟამად ის მოღვაწეობს, როგორც ენდოკრინული ონკოლოგიის პროგრამის დირექტორი, როგელის კიბოს ცენტრში, სადაც მას უჭირავს პროფესორის თანამდებობა თირკმელზედა ჯირკვლის სიმსივნეებში.

მან MD და PhD ხარისხი ნეირომეცნიერებებში მიიღო ტუფტის უნივერსიტეტში, ხოლო რეზიდენტური შინაგან მედიცინაში და შემდეგ ენდოკრინოლოგიაში და დიპლომის შემდგომი განათლება მიიღო კალიფორნიის უნივერსიტეტში (სან ფრანცისკო).

მან ხელი შეუწყო მიჩიგანის თირკმელზედა ჯირკვლის მეცნიერთა გუნდის ბოლოდროინდელ აღორძინებას, რომელშიც შედიან თირკმელზედა ჯირკვლის დაავადებების შემსწავლელი მეცნიერები. მან მიიღო UofM Jerome Conn-ის ჯილდო შინაგანი მედიცინის გამორჩეული კვლევისთვის, ენდოკრინული საზოგადოების ედვინ ბ. ასთვუდის ჯილდო გამორჩეული კვლევისთვის და არის ASCI-ისა და AAP-ის წევრი. ის გახლავთ ორგანოგენეზის ცენტრის: ღეროვანი უჯრედების და რეგენერაციული მედიცინის, ყოფილი დირექტორი.

მას ეკავა მრავალი ხელმძღვანელი თანამდებობა მიჩიგანის უნივერსიტეტსა და სახელმწიფო და კერძო სექტორებში, მათ შორის, იყო სამეცნიერო მრჩეველთა საბჭოს წევრი კიბოს ეროვნულ ინსტიტუტში. ის გახლავთ ოთხი წიგნის რედაქტორი, მათ შორის, დაავადების პათოფიზიოლოგია: კლინიკური მედიცინის შესავალი (McGraw Hilll), და დეგრუტის ენდოკრინოლოგიის (Elsevier) თირკმელზედა ჯირკვლის სექციის მომავალი რედაქტორი. ის მოღვაწეობდა მსოფლიოს უდიდეს ენდოკრინულ ორგანიზაციაში, (ამერიკის) ენდოკრინულ საზოგადოებაში (Endocrine Society), მათ შორის, მისი ბოლო თანამდებობა იყო ენდოკრინული საზოგადოების პრეზიდენტი (2020-2021). როგორც კონგრესის H.E.L.P-ის მრჩეველი - ის გახლდათ 21-ე საუკუნის კიბოს განგაშის (21st Century Cancer ALERT - Access to Life Saving Early Detection, Research and Treatment) აქტის თანაავტორი, რომელიც წარედგინა კონგრესს 2009 წელს.

მან კატალიზატორის როლი ითამაშა ორი საერთაშორისო კოოპერაციული ჯგუფის ჩამოყალიბებაში, ყველაზე ბოლო იყო A5 (American Australian Asian Adrenal Alliance), რომელიც იყენებს თანამშრომლობას, რათა უზრუნველყოს ფარმაცევტული და საფონდო სააგენტოების პროექტების განხორციელება თირკმელზედა ჯირკვლის დაავადებების ფართო სპექტრში. ის არის ორი კომპანიის - MILLENDO და SLING THERAPEUTICS თანადამფუძნებელი, რომლებიც ფოკუსირებულია იშვიათ ენდოკრინულ დაავადებებზე.

ნათია ვაშაყმაძე

ენდოკრინოლოგი. თბილისი, საქართველო

ნათია ვაშაყმაძე არის საქართველოს ენდოკრინოლოგიისა და მეტაბოლიზმის ასოციაციის (GAEM) დამფუძნებელი და პრეზიდენტი.

იგი არის კლინიკა ჰელსიკორის ენდოკრინოლოგიური განყოფილების ხელმძღვანელი და კლინიკა „კარდიო“-ს კონსულტანტი ენდოკრინოლოგი. არის ილიას სახელმწიფო უნივერსიტეტის დოქტორანტი.

მისი ინტერესების სფეროა ფარისებრი ჯირკვლის პათოლოგიები, თირკმელზედა ჯირკვალის დაავადებები და ლიპიდები.

ზოგადი სამედიცინო განათლება მიღებული აქვს თბილისის სახელმწიფო სამედიცინო უნივერსიტეტში, კლინიკური რეზიდენტურა ენდოკრინოლოგიაში გავლილი აქვს სანკტ-პეტერბურგის სამედიცინო უნივერსიტეტში, რის შემდგომაც კვალიფიკაციის ამაღლების მიზნით იმყოფებოდა ბერლინში, შატირეს საუნივერსიტეტო კლინიკაში ენდოკრინოლოგიისა და იშვაითი მეტაბოლური დარღვევების განყოფილებაში.

ნათია ვაშაყმაძის ორგანიზებით საქართველოში გაიმართა 10-ზე მეტი საერთაშორისო კონფერენცია ევროპისა და ამერიკის წამყვანი ექსპერტებისა და ადგილობრივი წამყვანი ექიმების მონაწილეობით. განსაკუთრებით აღსანიშნავია 2022 წლის შემოდგომაზე გამართული ევროპის ენდოკრინოლოგიის საზოგადოების 30-ე დიპლომისშემდგომი განათლების კურსი, რომელიც საქართველოში პირველად სწორედ მისი მოწვევითა და მასპინძლობით ჩატარდა. ნათია ვაშაყმაძის ხელმძღვანელობითა და ორგანიზებითა ითარგმნა და გამოიცა მაღალი ხარისხის სამედიცინო ლიტერატურა ქართულ ენაზე, კერძოდ კი შესაბამისი ორგანიზაციების ოფიციალური ნებართვით ითარგმნა და გამოიცა ამერიკის თირეოიდული ასოციაციის (ATA) 2 გაიდლაინი, ევროპის თირეოიდული ასოციაციის (ETA) 3 გაიდლაინი და ენდოკრინული საზოგადოების (Endocrine Society) 4 გაიდლაინი და მეიოს კლინიკის განახლება.

ნათია ვაშაყმაძე არის ELSEVIER-ის წიგნის „დაბერების ენდოკრინოლოგია დიაგრამებსა და სურათებში“ პირველი გამოცემა, ემილიანო კორპას კობისა ქართულენოვანი წიგნის მთავარი რედაქტორი (მიმდინარე) და ინგლისურენოვანი ორიგინალი წიგნის მე-20 თავის თანაავტორი.

იგი მუდმივად ესწრება საერთაშორისო და ადგილობრივ კონფერენციებს, ხშირად აქვს მოხსენებები ექიმებისთვის როგორც ადგილობრივ, ასევე საერთაშორისო კონფერენციებზე.

ხუან-კარლოს გალოფრე

ენდოკრინოლოგი. ბარსელონა, ესპანეთი

ექიმი გალოფრე არის ნავარას სამედიცინო უნივერსიტეტის სამედიცინო ფაკულტეტის ვიცე–დეკანი. იგი არის ნავარას საუნივერსიტეტო კლინიკის წამყვანი ენდოკრინოლოგი და ასისტენტ-პროფესორი. პროფესორმა გალოფრემ დაამთავრა ბარსელონას ავტონომიური უნივერსიტეტის სამედიცინო ფაკულტეტი 1980 წელს, შემდგომ გააგრძელა რეზიდენტურა ნავარას სამედიცინო უნივერსიტეტში.

PhD ხარისხი აიღო სანტიაგო დე კომპოსტელას უნივერსიტეტში. იგი არის საერთაშორისოდ აღიარებული ექსპერტი თირეოიდოლოგიაში. პროფესორი გალოფრე არის ესპანეთის ენდოკრინოლოგიის საზოგადოების თირეოიდული განყოფილებისა და თირეოიდული კვლევის ჯგუფის ხელმძღვანელი.

მისი ავტორობით ტარდება კვლევები თირეოიდოლოგიაში მთელი ესპანეთის მასშტაბით. ის არის ესპანეთის ენდოკრინოლოგიის საზოგადოების ჟურნალის სარედაქციო საბჭოს წევრი. ის არის 70-ზე მეტი ორიგინალური ნაშრომისა და 30-ზე მეტი წიგნის თავის ავტორი. იგი არის მიწვეული სპიკერი ევროპის ენდოკრინოლოგიის საზოგადოებისა და ევროპის თირეოიდული საზოგადოების საერთაშორისო კონფერენციებზე.

პიტერ ლანსბერგი

ლიპიდოლოგი. ამსტერდამი, ნიდერლანდები

ექიმი ლანსბერგი არის ლიპიდოლოგი, გრონინგენის უნივერსიტეტის პროფესორი. ექიმმა ლანსბერგმა MD და PhD ხარისხი მოიპოვა ამსტერდამის უნივერსიტეტში. მისი სადოქტორო ნაშრომის თემა იყო „ოჯახური ჰიპერქოლესტეროლემიის მოლეკულური საწყისები და მკურნალობა“.

იგი არის ჰოლანდიის ლიპიდების კლინიკების ქსელის (Dutch lipid clinic network) დამფუძნებელი და ყოფილი ხელმძღვანელი. მან შექმნა ჰოლანდიური ლიპიდების კლინიკების ქსელის კრიტერიუმები ოჯახური ჰიპერქოლესტეროლემიის შესახებ, რომელიც დღეს აღიარებულია მთელი მსოფლიოს მიერ და ევროპის კარდიოლოგთა საზოგადოებისა და ამერიკის კლინიცისტ ენდოკრინოლოგთა საზოგადოების გაიდლაინებში შეტანილია ოჯახური ჰიპერქოლესტეროლემიის დიაგნოსტიკის ოქროს სტანდარტად. იგი ჩართული იყო მრავალ კლინიკურ კვლევაში რომელიც შეისწავლიდა ლიპიდების მართვას და გენეტიკურ კვლევას ამსტერდამის სამედიცინო ცენტრში.

2019 წელს იგი მიწვეული იყო ათეროსკლეროზის საერთაშორისო ასოციაციის ევროპის რეგიონული ფედერაციის აღმასრულებელი კომიტეტის Faculty წევრად. იგი არის მრავალი სტატიის, წიგნის თავებისა და პუბლიკაციის ავტორი და თანაავტორი.

მისი სამეცნიერო და კლინიკური აქტივობის პარალელურად ექიმი ლანსბერგი ეწევა აქტიურ საგანმანათლებლო აქტივობას, მას 1000-ზე მეტი მოხსენება აქვს წარდგენილი საერთაშორისო ვოქრშოპებსა და საერთაშორისო კონფერენციებზე კარდიოვასკულარული რისკის მართვისა, ლიპიდებისა და ათეროსკლეროზის პრევენციის შესახებ 65-ზე მეტ ქვეყანაში. იგი არის საერთაშორისოდ აღიარებული ექსპერტი და ერთ-ერთი საუკეთესო სპიკერი ლიპიდოლოგიაში.

აარტ იან (AJ) ავნ დერ ლელი

როტერდამი, ნიდერლანდები

პროფესორი აარტ იან (AJ) ვან დერ ლელი, MD, PhD არის მსოფლიოში ცნობილი, ჰოლანდიელი ენდოკრინოლოგი და როტერდამის ერასმუსის უნივერსიტეტის სამედიცინო ცენტრის, ენდოკრინოლოგიის განყოფილების ყოფილი ხელმძღვანელი.

ის არის ჰოლანდიის ენდოკრინული საზოგადოების ყოფილი პრეზიდენტი, სამედიცინო სპეციალისტების ევროპული გაერთიანების (UEMS) ენდოკრინოლოგიური განყოფილების ყოფილი მდივანი.

ის იყო აშშ-ის ენდოკრინული საზოგადოების გლობალური სამუშაო ჯგუფის წევრი.

ის არის ენდოკრინოლოგიის ევროპული საზოგადოების (ESE) ყოფილი პრეზიდენტი (2015-2019 წწ). ის, ასევე, არის ევროპის ჰორმონების საზოგადოებისა და ჰიპოფიზის საზოგადოების ყოფილი პრეზიდენტი და ენდოკრინოლოგიის ევროპული საზოგადოების საპატიო წევრი.

პროფესორი ვან დერ ლელი ცნობილია თავისი მიღწევებით ჰიპოფიზის დაავადებებზე მუშაობისას, ამ პრობლემების დეტალურად შესწავლისა და ახალი თერაპიების დანერგვის გამო.

ის ასევე იყო ისეთი მნიშვნელოვანი ჟურნალების სარედაქციო გუნდის წევრი, როგორიცაა Journal of Clinical Endocrinology and Metabolism, Nature Reviews in Endocrinology, and Clinical Endocrinology.

ის არის Amoly pharma-ის სამეცნიერო მრჩეველი. მისი კვლევის მთავარი სფეროა ჰიპოფიზის დაავადებები და კუჭ-ნაწლავის ჰორმონების როლი ჯანმრთელობაში.

დავით მეტრეველი

ენდოკრინოლოგი, თბილისი, საქართველო

დავით მეტრეველი თბილისის სახელმწიფო სამედიცინო უნივერსიტეტის ენდოკრინოლოგიის დეპარტამენტის ემერიტუსი პროფესორია. საექიმო სტაჟი ენდოკრინოლოგიაში - 49 წელიწადი. პედაგოგიური საქმიანობის სტაჟი 43 წელიწადი. ექიმთა დახელოვნების თბილისის სახელმწიფო ინსტიტუტის ენდოკრინოლოგიის კათედრის გამგე 1986 წლიდან.

საქართველოს ოკუპირებული რეგიონებიდან დევნილთა, შრომის, ჯანმრთელობის და სოციალური დაცვის სამინისტროს მთავარი ენდოკრინოლოგი 1986 წლიდან, ამავე სამინისტროს ექსპერტი-ენდოკრინოლოგი 2006 წლიდან. საქართველოს ენდოკრინოლოგთა საზოგადოების თავმჯდომარე 2015 წლიდან. საქართველოს დიაბეტის სახელმწიფო პროგრამის კოორდინატორი 1997-2006 წლებში, დიაბეტის საერთაშორისო ევროპული პროგრამის კოორდინატორი საქართველოში 1993 წლიდან, საქართველოს დიაბეტური ასოციაციის სამედიცინო დირექტორი, იოდის დეფიციტით გამოწვეულ დაავადებათა პროფილაქტიკის სახელმწიფო პროგრამის მეცნიერი-კონსულტანტი 1997 წლიდან. ევროპის ენდოკრინოლოგთა საზოგადოების წევრი, ევროპის თირეოიდული ასოციაციის წევრი, დიაბეტის შემსწავლელი ევროპული ასოციაციის წევრი, ამერიკის ენდოკრინოლოგთა საზოგადოების წევრი. შ.პ.ს. „დავით მეტრეველის სამედიცინო ცენტრი“-ს დირექტორი და კლინიკური სამსახურის ხელმძღვანელი.

უმთავრესი მეცნიერული ინტერესების სფერო: კლინიკური ენდოკრინოლოგია, დიაბეტოლოგია, თირეოიდოლოგია. 172 სამეცნიერო პუბლიკაციის ავტორი როგორც ეროვნულ, ისე საერთაშორისო გამოცემებში.

მარინა გორდელაძე

ბავშვთა ენდოკრინოლოგი, თბილისი, საქართველო

მარინე გორდელაძე - პროფესორი, თსსუ ენდოკრინოლოგიის დეპარტამენტის ხელ.ლი, გ.ჟვანიას სახ.პედიატრიის აკადემიური კლინიკის ბავშვთა ენდოკრინოლოგიური ცენტრის ხელმძღვანელი, საქართველოს პედიატრ ენდოკრინოლოგთა ასოციაციის პრეზიდენტი.

1978 წელს დაამთავრა თბილისის სახ.სამედიცინო უნივერსიტეტი, 1980 წელი - კლინიკური ორდინატურა პედიატრიაში.

1980-1984 - საკავშირო ენდოკრინოლოგიის ინსტიტუტი, ასპირანტი, ქ.მოსკოვი.

1985 წელი - დაიცვა საკანდიდატო დისერტაცია თემაზე „აუტოიმუნური თირეოიდიტის დიაგნოსტიკისა და მიმდინარეობის თავისებურებანი ბავშვთა ასაკში“.

1985-2000 წ.წ. - თსსუ ენდოკრინოლოგიის დეპარტამენტის ასისტენტ-პროფესორი.

2000-2020 წ.წ. - ასოცირებული პროფესორი.

2021წ.-დან დღემდე - პროფესორი.დეპარტამენტის ხელმძღვანელი.

1996-2007 წ.წ. - იოდდეფიციტის პროფილაქტიკის სახელმწიფო პროგრამის მთავარი სპეციალისტი.

1996-2007 წ.წ. - საქართველოში პირველი „ბავშვთა დიაბეტური სკოლის“ ორგანიზატორი და ხელმძღვანელი.

2004 წელი - საქართველოში თანდაყოლილ ჰიპოთირეოზზე ნეონატალური სკრინინგის გაიდლაინის ავტორი.

2006 წლიდან დღემდე ბავშვთა ენდოკრინოლოგიაში სახელმწიფო სარეზიდენტო პროგრამის ავტორი და დირექტორი.

2014 წლიდან საქართველოს პედიატრ ენდოკრინოლოგთა ასოციაციის დამფუძნებელი და პრეზიდენტი.

2010 წლიდან ბავშვთა ენდოკრინოლოგიაში 5 საერთაშორისო კვლევის პროექტის მთავარი მკვლევარი.

არის ESPE, EASD და სხვა ადგილობრივი და საერთაშორისო ასოციაციების წევრი. 4-ჯერ წარდგა მოხსენებით ზემოაღნიშნული ასოციაციების კონგრესებზე. არის 6 წიგნის და 72 სამეცნიერო ნაშრომის ავტორი.

2012 წელს საქართველოს პრეზიდენტის განკარგულებით დაჯილდოვდა ღირსების ორდენით.

ლისა ჰემერი

მიჩიგანი, აშშ

ექიმმა ლისა ჰემერმა ბაკალავრის დიპლომი მიიღო 1992 წელს, მასაჩუსეტსის ტექნოლოგიების ინსტიტუტში. ამის შემდეგ, 1996 წელს დაამთავრა სამედიცინო სკოლა კალიფორნიის უნივერსიტეტში და 1999 წელს - პედიატრიის რეზიდენტურა. მას აქვს ლიცენზია პედიატრიაში, ძუძუთი კვებისა და ლაქტაციის მედიცინაში და არის სერტიფიცირებული ლაქტაციის კონსულტანტი. არის ძუძუთი კვების მედიცინის აკადემიის წევრი, ასევე გახლავთ Postpartum Support International-ის წევრი და სერტიფიცირებულია პოსტპარტუმ მენტალური ჯანმრთელობის მართვაში.

ლისა ჰემერი აერთიანებს თავის გამოცდილებას პედიატრიაში, ლაქტაციასა და პოსტპარტუმ მართვაში, რათა გაუწიოს დედებს სათანადო კონსულტაცია და დახმარება ძუძუთი კვების პროცესში.

ის იყო მიჩიგანის უნივერსიტეტის, პედიატრიული განყოფილების ფაკულტეტის წევრი 2000-2015 წლებში, სადაც მან განავითარა უაღრესად წარმატებული, მულტიდისციპლინური პროგრამა ძუძუთი კვების მედიცინაში, ასევე პერინატალური მენტალური დარღვევების დროულ დიაგნოსტიკაში.

2016 წელს, Trinity Health-თან პარტნიორობით განავითარა და დაიწყო ძუძუთი კვების მედიცინის პროგრამა, რომელიც შემდეგ გადაიზარდა პერინატალური ჯანმრთელობის მოდელში, რომელიც მოიცავდა პერინატალურ მენტარულ ჯანმრთელობაზე ზრუნვასა და სხვა საჭირო პერნატალურ სერვისებს. ის დღესდღეობით აგრძელებს ძუძუთი კვების მედიცინაში აქტიურ ჩართულობას და ზრუნავს ახალი დედებისა და ახალშობილებისთვის გაუმჯობესებული სერვისების მიწოდებაზე.

ოკან ბულენტ ილდიზი

ანკარა, თურქეთი

ბულენტ ილდიზი, MD, PhD არის მედიცინის/ენდოკრინოლოგიისა და მეტაბოლიზმის პროფესორი ჰაჯეტეპეს სამედიცინო უნივერსიტეტში, ანკარაში. მისი კლინიკური და სამეცნიერო ინტერესებია სიმსუქნე, ტიპი 2 დიაბეტი და ანდროგენების სიჭარბით მიმდინარე დარღვევები ქალებში, მათ შორის პოლიცისტური საკვერცხეების სინდრომი. მას გამოქვეყნებული აქვს 140-ზე მეტი სტატია, განხილვა და წიგნის თავი. მის სახელზეა მრავლობითი პრეზენტაცია, ლექცია და კონფერენცია მსოფლიოს მასშტაბით.

ის იყო ევროპის ენდოკრინოლოგთა საზოგადოების (ESE) აღმასრულებელი კომიტეტის წევრი და ოფიცერი და ანდროგენების სიჭარბისა და PCOS-ის საზოგადოების კოლეგიის წევრი. ის იყო მე-19 ენდოკრინოლოგიის ევროპული კონგრესის (ECE2017) საორგანიზაციო კომიტეტის ხელმძღვანელი, ენდოკრინული საზოგადოების ყოველწლიური შეხვედრების (ENDO2021 და ENDO2022) თანახელმძღვანელი.

ის არის ESE-ის რეპროდუქციული და განვითარების ენდოკრინოლოგიის ნაწილის კლინიკური ლიდერი.

მან დააარსა და ხელმძღვანელობს ენდობრიჯს, რომელიც არის უნიკალური საერთაშორისო წარმოწყება განათლებისა და კლინიკური უნარების ასამაღლებლად, რომლის მხარდაჭერაც ხდება აშშ-ის ენდოკრინული საზოგადოებისა და ევროპის ენდოკრინოლოგთა საზოგადოების (ESE) მიერ.

მას მიღებული აქვს შემდეგი ჯილდოები: განსაკუთრებული აღიარების ჯილდო ევროპის ენდოკრინოლოგთა საზოგადოებისგან (ESE) 2022-ში, უოლტერ ფუტერვაითის ჯილდო კლინიკურ კვლევაში ანდროგენების სიჭარბისა და PCOS-ის საზოგადოებისგან 2022-ში, აიზენგაუერის ფელოუშიფი საერთაშორისო ლიდერობისთვის აშშ-ის აიზენჰაუერის ფონდისგან 2007-ში და ა.შ.

ექიმი ილდიზის ფელოუშიფი მოიცავს: აკადემიის, სახელმწიფოსა და ინდუსტრიის ურთიერთობას კვლევებში, საზოგადოებრივ პოლიტიკას და ჯანდაცვის ხელმისაწვდომობას ქრონიკული დაავადებების, კერძოდ დიაბეტისა და სიმსუქნის, პრევენციისა და მართვისთვის.

ჰენინგ დრალე

ესენი, გერმანია

ჰენინგ დრალე, MD, PhD არის ქირურგიის პროფესორი და ქირურგიის განყოფილების თავმჯდომარე ჰალე-ვიტენბერგის უნივერსიტეტში, გერმანიაში 1994 წლიდან.

პროფესორი დრალე იყო გერმანიის ენდოკრინულ ქირურგთა ასოციაციის (CAEK) პრეზიდენტი 1997-2000 და 2006-2009 წლებში. 2005-2011 წლებში ის იყო გერმანიის თიროიდული ასოციაციის პრეზიდენტი, ხოლო 2005-2007 წლებში ენდოკრინულ ქირურგთა საერთაშორისო ასოციაციის (IAES) პრეზიდენტი. ასევე, ის იყო ევროპის ქირურგთა საბჭოს ენდოკრინული დივიზიის (DES) მდივანი 1999-2007 წლებში, და ევროპის ენდოკრინულ ქირურგთა საზოგადოების (ESES) პრეზიდენტი 2008-2020 წლებში.

პროფესორი დრალე გახლავთ მრავალი სხვადასხვა სამედიცინო საზოგადოების წევრი, როგორიცაა ევროპის თიროიდული ასოციაცია (ETA), ენდოკრინულ და თიროიდულ ქირურგთა ბრიტანული ასოციაცია (BAETS), და ქირურგიის საერთაშორისო საზოგადოება (ISS). ის არის ამერიკის ედოკრინულ ქირურგთა ასოციაციის (AACE) წევრ-კორესპონდენტი, ამერიკის კლინიკურ ენდოკრინოლოგთა ასოციაციის (AACE) წევრი, ინგლისის ქირურგთა სამეფო კოლეჯის (FRCS) კოლეგიის წევრი და სხვ.

პროფესორი დრალე არის 620-ზე მეტი პუბლიკაციის, 180-ზე მეტი წიგნის თავისა და სტატიის ავტორი. ის არის გერმანული ჟურნალის Chirurg მთავარი რედაქტორი, Langenbecks Archives of Surger-ის თანარედაქტორი და სხვადასხვა საერთაშორისო ქირურგიული ჟურნალის სარედაქციო საბჭოს წევრი.

მისი განსაკუთრებული ინტერესის სფეროა კლინიკური და ტრანსლაციური კვლევა ფარისებრი ჯირკვლის, ფარისებრახლო ჯირკვლების, თირკმელზედა ჯირკვლებისა და გასტროენტეროპანკრეატული ნეიროენდოკრინული სიმსივნეების ქირურგიაში. 2014 წელს მან გამოსცა სახლმძღვანელო გერმანულ ენაზე, სახელწოდებით 'Endokrine Chirurgie, Evidenz und Erfahrung'.

ეროვნულ და საერთაშორისო სამედიცინო საზოგადოებებში აქტიური ჩართულობის გარდა, პროფესორი დრალე ასევე გახლავთ სხვადასხვა ეროვნული და საერთაშორისო ქირურგიული და ინტერდისციპლინარული გაიდლაინის ავტორი.

ნაზი ჭელიძე

ენდოკრინოლოგი, თბილისი, საქართველო

ნაზი ჭელიძე არის კლინიკური ენდოკრინოლოგი ავერსის კლინიკაში, სადაც ის ასევე მუშაობს DXA-დენსიტომეტრიით დიაგნოსტიკაზე.

ის არის მოწვეული ლექტორი საქართველოს უნივერსიტეტსა (UG) და კავკასიის საერთასორისო უნივერსიტეტში (CIU) მედიცინის ფაკულტეტზე, ბიოქიმიის დეპარტამენტში.

ის არის საქართველოს ენდოკრინოლოგიისა და მეტაბოლიზმის (GAEM) ვიცე-პრეზიდენტი და მისი წევრი დაარსების დღიდან.

ნაზი ჭელიძე არის სხვადასხვა საერთაშორისო ენდოკრინული საზოგადოების (ESE, ISE, Endocrine Society) მიერ გამოცემული 10 ენდოკრინოლოგიური გაიდლაინისა და საერთაშორისო ჟურნალებში გამოქვეყნებული რამდენიმე სტატიის თანამთარგმნელი და თანარედაქტორი.

მისი თანამონაწილეობით GAEM-ის მიერ გაიმართა საერთაშორისო კონფერენციები და კონგრესები, რომელშიც მოხსენებით წარდგნენ ქართველი და უცხოელი ექსპერტები, სხვადასხვა ქვეყნებიდან.

იგი აქტიურად არის ჩართული ასოციაციის მიერ სხვადასხვა შეხვედრის, მრგვალი მაგიდის თუ კონფერენციის ორგანიზებაში. აქვს მოხსენებები სტუდენტებისა და კოლეგებისთვის, არის საერთაშორისო ენდოკრინული საზოგადოებების წევრი (ESE, ISE).

ქეთევან ძაგანია

ენდოკრინოლოგი, თბილისი, საქართველო

ქეთევან ძაგანია არის ენდოკრინოლოგი 2021 წლიდან. მან სამედიცინო განათლება მიიღო თბილისის სახელმწიფო სამედიცინო უნივერსიტეტში, ხოლო სპეციალიზაცია გაიარა ავერსის კლინიკის კერძო რეზიდენტურაში.

ის არის კლინიკური ენდოკრინოლოგი კლინიკა IMC-ში, ასევე წარსულში მუშაობდა დავით ტატიშვილის სამედიცინო ცენტრში. გავლილი აქვს DXA დენსიტომეტრიის გადამზადების კურსი და აქვს ამ სფეროში მოღვაწეობის გამოცდილება.

ქეთევან ძაგანია არის საქართველოს ენდოკრინოლოგიისა და მეტაბოლიზმის ასოციაციის (GAEM) მდივანი/ხაზინადარი, აღმასრულებელი კომიტეტის წევრი და მისი დიდი ხნის წევრი.

მისი თანამონაწილეობით ასოციაციის ფარგლებში დაიგეგმა და გაიმართა მრავალი საერთაშორისო და ადგილობრივი კონფერენცია. ასევე ის არის აქტიურად ჩართული GAEM-ის მიერ სხვადასხვა საერთაშორისო ენდოკრინული ასოციაციის მიერ გამოცემული გაიდლაინებისა და სტატიების თარგმნასა და რედაქტირებაში.

ის ასევე არის მოწვეული ლექტორი საქართველოს უნივერსიტეტში (UG), სადაც იგი უძღვება ჰისტოლოგიის ლექციებსა და სემინარებს მრავალი წელია. მუდმივად მონაწილეობს ახალგაზრდა პროფესიონალებში სამედიცინო განათლების ამაღლებისთვის განკუთვნილ პროექტებში.

ქეთევან ძაგანია არის სხვადასხვა საერთაშორისო სამედიცინო ასოციაციის წევრი, როგორიცაა ESE, ISE, Endocrine Society და ა.შ. ხშირად ესწრება სამედიცინო კონფერენციებსა და კონგრესებს, როგორც ადგილობრივ, ასევე საერთაშორისო არენაზე.

ქეთევან ასათიანი

ენდოკრინოლოგი, მედიცინის დოქტორი

ენდოკრინოლოგი, მედიცინის დოქტორი, ენდოკრინოლოგიის ეროვნული ინსტიტუტის სიმსუქნისა და მეტაბოლურ დარღვევათა განყოფილების ხელმძღვანელი. ივ.ჯავახიშვილის სახელობის თბილისის სახელმწიფო უნივერსიტეტის ასოცირებული პროფესორი. საქართველოს სიმსუქნის შემსწავლელი ასოციაციის პრეზიდენტი. ევროპის სიმსუქნის შესმწავლელი ასოციაციის აღმასრულებელი კომიტეტის სრულუფლებიანი წევრი.

დაამთავრა ებერჰარდ-კარლსის სახელობის უნივერსიტეტი ქალაქ ტიუბინგენში, (გერმანია). არის DAAD-ის სტიპენდიანტი, რომლის ფარგლებში მუშაობდა საკანდიდატო ნაშრომზე ქ. მიუნსტერის (გერმანია) რეპროდუქციული მედიცინის ინსტიტუტში. საკანდიდატო დისერტაცია დაიცვა 2002 წელს ქალაქ თბილისში. ამავე წლიდან დაიწყო მუშაობა N4 კლინიკურ საავადმყოფოში „ენდოკრინულ დარღვევათა და ენდოვიდეოქირურგიის“ განყოფილებაში (ამჟამინდელ ენდოკრინოლოგიის ეროვნულ ინსტიტუტში) უმცროს ექიმად, შემდგომში კი ექიმ-ენდოკრინოლოგად.

ატარებს წვრთნებს, ლექციებს, სემინარებს სტუდენტებისთვის, ოჯახის ექიმებისა და ენდოკრინოლოგებისათვის. არის მრავალი ადგილობრივი თუ საერთაშორისო კონფერენციის მონაწილე და პროფესიული ასოციაციის წევრი.

მაკა გეგეჭკორი

რეპროდუქტოლოგი, თბილისი, საქართველო

სპეციალიზაცია - რეპროდუქტოლოგი; პროფესიული გამოცდილება - სამუშაო სტაჟი - 36 წ

1984 წლის სექტემბრიდან - 2016 წ აგვისტომდე - ი ჟორდანიას სახ. ადამიანის რეპროდუქციის ს/კ ინსტიტუტის ექიმის რეპროდუქტოლოგი. 2012-2016 წ - ინსტიტუტის ამბულატორიული განყოფილების ხელ-ლი. 2016 წლის აგვისტოდან დღემდე ზ.საბახტარაშვილის რეპროდუქციული კლინიკა, სასწავლო-სამეცნიერო მიმართულების ხელ-ლი.

საქართველოს გინეკოლოგ-ენდოკრინოლოგთა ასოციაციის ხელ-ლი.

პედაგოგიური გამოცდილება - 2001 წლიდან 2012 წ-მდე - თსუ, მედიცინის ფაკულტეტის მეანობა-გინეკოლოგია-რეპროდუქტოლოგიის დეპარტამენტის დიპლომამდელი სწავლება ასისტენტ-პროფესორი. 2008 წლიდან დღემდე თსსუ მოწვეული პედაგოგი - რეზიდენტურის პროგრამა - მოდულები - 'უნაყოფობა და რეპროდუქციული სისტემის რეგულაცია'; 'გინეკოლოგიური ენდოკრინოლოგია'; 'ბავშვთა და მოზარდთა რეპროდუქციული ჯანმრთელობა'. ლოკალური ხელ-ლი. (2016 წლიდან დღემდე ზ.საბახტარაშვილის რეპროდუქციული კლინიკა; 2002 - 2016 წწ ჟორდანიას სახ. ადამიანის რეპროდუქციის ს/კ ინსტიტუტი).

2009 წ - დღემდე თსსუ, მოწვეული პედაგოგი - „მოზრდილთა სწავლების თანამედროვე პრინციპები და ფუნდამენტური საფუძვლები“ - უპგ პროგრამა „ოჯახის ექიმების ტრენინგი ანტე და პოსტნატალური დახმარების კურსი, ოჯახის დაგეგმვის თანამედროვე მეთოდები, ონკოსიფხიზლე და და პრევენციული სკრინინგული ტესტები“ - აკრედიტირებული უპგ. - UNFPA კონსულტანტი, ექსპერტი 2011 წლიდან ყირგიზეთის სამედიცინო პროფილის უმაღლესი სასწავლებლების და საქართველოს თსსუ დიპლომამდელ და დიპლომშემდგომ სასწავლო პროგრამებში - ოჯახის დაგეგმვის თანამედროვე მეთოდების სასწავლო კურიკულუმის ავტორი. ტრენერი 2010 წლიდან რეპროდუქტოლოგიის სარეზიდენტო პროგრამის, სასწავლო მოდულების თანაავტორი.

უპგ, აკრედიტებული სემინარები - 'რეპროდუქციული ჯანმრთელობა', 'გინეკოლოგიური ნეიროენდოკრინული სინდრომები', 'ოჯახის დაგეგმვის თანამედროვე მეთოდები'

რამოდენიმე საერთაშორისო საგანმანათლებლო პროგრამის მასტერ ტრენერი - [John Snow Institute of Training and Research, USAID; UNICEF; MSH, CIF; JHPIEGO Corporation; Open Society- Georgia Foundation; Europe and Eurasia Regional Family Planning Activity]

2003 წ-დან მედიცინის აკადემიური დოქტორი

2013 წ-დან თსსუ კლინიკის პროფესორი

ლალი ნიკოლეიშვილი

ენდოკრინოლოგი, მედიცინის დოქტორი

ლალი ნიკოლეიშვილი - ენდოკრინოლოგი, მედიცინის დოქტორი, ევროპის უნივერსიტეტის ასოცირებული პროფესორი 2019 წლიდან დღემდე, შპს „დიაკორის“ თანადამფუძნებელი და კლინიკური დირექტორი; საქართველოს ოკუპირებული ტერიტორიებიიდან დევნილთა, შრომის, ჯანმრთელობისა და სოციალური დაცვის სამინისტროს ექსპერტი ენდოკრინოლოგიაში;

თსსუ დიპლომისშემდგომი სამედიცინო განათლების და უწყვეტი პროფესიული განვითარების ინსტიტუტის ენდოკრინოლოგიის სარეზიდენტო პროგრამის ლოკალური ხელმძღვანელი 2016 წლიდან დღემდე; ააიპ „ქრონიკული მეტაბოლური დაავადებების განათლების ასოციაციის“ თანადამფუძნებელი და თავმჯდომარე 2022 წლიდან დღემდე; საქართველოს საბუნებისმეტყველო მეცნიერებების აკადემიის არჩეული წევრი 2024 წლიდან; მთავარი კლინიკური მკვლევარი 20 ზე მეტ კლინიკურ კვლევაში;

ამერიკის და ევროპის, ასევე, საქართველოს ენდოკრინოლოგიური ასოციაციების წევრი.

მრავალი საერთაშორისო და ადგილობრივი კონფერენციების ფარგლებში მომხსენებელი და მონაწილე. ექიმების განათლების მიზნით უწყვეტი სამედიცინო განათლების ფარგლებში ენდოკრინოლოგიის დარგში ადგილობრივი კონფერენციების ორგანიზატორი და მონაწილე. ენდოკრინოლოგიის დარგში მრავალი ლექციის ავტორი და პრეზენტატორი სხვადასხვა კონფერენციებზე როგორც ენდოკრინოლოგებისთვის, ასევე სხვა პროფილის ექიმებისთვის.

პაციენტთა განათლების მიზნით მრავალფეროვანი აქტივობები - დიაბეტის სკოლა, ვიდეოგადაცემები - „სამედიცინო განათლება“, ბეჭდვითი მასალა პაციენტებისთვის.

ნატალია ასათიანი

-

ნატალია ასათიანი გახლავთ კლინიკური განყოფილების გამგე, დიაბეტის კვლევის ეროვნული ცენტრში; პროგრამის “დიაბეტი და ორსულობა” დირექტორი;

ასოცირებული პროფესორი, დიპლომისშემდგომი სამედიცინო განათლების სარეზიდენტო პროგრამის ხელმძღვანელი, “ენდოკრინოლოგიის” სპეციალობით - პეტრე შოთაძის სახელობის თბილისის სამედიცინო აკადემია.

მისი პროფესიული გამოცდილება მოიცავს:

დიაბეტისა და მისი გართულებების პროფილაქტიკა და მკურნალობა; მეტაბოლური და ჰორმონული დარღვევების შესწავლა შაქრიანი დიაბეტისა და გულ-სისხლძარღვთა დაავადებების დროს. შაქრიანი დიაბეტის მკურნალობაში ექსტრაკორპორალური მეთოდების - ჰემოფილტრაციისა და ხელოვნური კუჭქვეშა ჯირკვლის, ბიოსტატორის გამოყენება. პაციენტებისათვის სწავლება შაქრიანი დიაბეტის შესახებ. შაქრიანი დიაბეტის მქონე ორსულთა მკურნალობისა და სწავლების გამოცდილება. გამოცდილება დიპლომისშემდგომი სამედიცინო განათლების სარეზიდენტო პროგრამის მოდულების “ენდოკრინოლოგიის” სპეციალობით.

პროფესიული აქტივობა:

ავტორი ისრაელ-საქართველოს ერთობლივი პროგრამებისა “დიაბეტი და ორსულობა” და “გესტაციური დიაბეტის სკრინინგი”; 1997-2023.

ავტორი საქართველოს ჯანდაცვის სამინისტროს პროექტის “დიაბეტის სკოლების ორგანიზების მეთოდიკა”, 1997;

ავტორი პროექტის ” “ “Increasing the GP's Knowledge in Order to Prevent Diabetes Mellitus and its Late Complications”, granti Open Societ-Georgia Foundation, Soros 1998;

კლინიკური სახელმძღვანელოს “დიაბეტი და ორსულობა” ავტორი, 2008;

დიპლომისშემდგომი სამედიცინო განათლების სარეზიდენტო პროგრამის მოდულების პასუხისმგებელი პირი (ლოკალური ხელმძღვანელი), “ენდოკრინოლოგიის” სპეციალობით.

აკადემიური ლექტორი (Faculty) EASD Postgraduate Course, Tbilisi,Georgia, May 2015. Workshop: Diabetes and pregnancy and follow-up of care after delivery.

აკადემიური ლექტორი Faculty - EASD Postgraduate Course, Tbilisi, Georgia, May 2018. Workshop: Diabetes and pregnancy and follow-up of care after delivery

გაიდლაინის ავტორი - „ორსულობის პერიოდში შაქრიანი დიაბეტის ტიპი 1-ის და ტიპი 2-ის მართვა“,2015.

ის არის შემდეგი სამედიცინო ორგანიზაციიბის წევრი:

Member of the BSDU Board on Diabetes Education წევრი 1997 წლიდან. EASD Member წევრი 1997 წლიდან. Board/Directorate Member Georgian Union of Diabetes and Endocrine Associations. Editorial Board Member Diabeti Da Janmrteloba. Advisory Board European Association of Perinatal Medicine (EAMP). Member of the General Committee DESG (Diabetes Education Study Group of the EASD)(2012-2019). ESE Member წევრი 2022 წლიდან. პერინატალური მედიცინის ევროპის ასოციაციის (EAMP) წევრი 2005 წლიდან.

120–ზე მეტი პუბლიკაციის ავტორი ინგლისურ, რუსულ და ქართულ ენებზე.

ნინო ნადირაძე

ენდოკრინოლოგი, თბილისი, საქართველო

ნინო ნადირაძემ 2002-2008 წწ. წარჩინებით დაამთავრა ქ. სანქტ-პეტერბურგის აკადემიკოს ი.პავლოვის სახელობის სახელმწიფო უნივერსიტეტი.

2008-2010 წწ. წარჩინებით გაიარა კლინიკური ორდინატურა ვ.ბარანოვის სახელობის ენდოკრინოლოგიის კათედრაზე ქ. სანქტ-პეტერბურგში დიპლომისშემდგომი განათლების სამედიცინო აკადემიის ბაზაზე.

2008-2010 წწ. ექიმი ენდოკრინოლოგის პოზიციაზე მუშაობდა ქ. სანქტ-პეტერბურგის კლინიკა მედიკალ პლუსში.

2012 წელს დაეუფლა შაქრიანი დიაბეტის მკურნალობის უახლეს მეთოდს, კერძოდ, ინსულინის პომპების და CGM სისტემების გამოყენებას.

2017 წლიდან გახლავთ ევროპის უნივერსიტეტის მიწვეული ლექტორი.

2011 წლიდან დღემდე ექიმი ენდოკრინოლოგის პოზიციაზე მუშაობს დიაბეტის, ენდოკრინული და გულ-ფილტვის დაავადებების ცენტრში-დიაკორი და ჰეპატოლოგიურ კლინიკა ჰეპაში. თბილისი, საქართველო.

დიაბეტის მსოფლიო კონგრესზე არის რამდენიმე პოსტერის, მათ შორის ორალ პოსტერის ავტორი და თანაავტორი. არის რამდენიმე საერთაშორისო ასოციაციის წევრი, როგორიცაა: დიაბეტის მსოფლიო ფედერაცია (IDF), ევროპის დიაბეტის შემსწავლელი ასოციაცია (EASD), ამერიკის დიაბეტოლოგთა ასოციაცია (ADA), ათეროსკლეროზის საერთაშორისო ასოციაცია (EAS), ევროპის ენდოკრინოლოგთა ასოციაცია (ESE).

გახლავთ საქართველოს ენდოკრინოლოგიის და მეტაბოლიზმის ასოციაციის (GAEM) გაიდლაინების სარედაქციო კომიტეტის წევრი, საქართველოს ჯანმრთელობის ფედერაციის წევრი (Health Federation of Georgia).

GAEM-ის ეგიდით და მისი თანამონაწილეობით ითარგმნა და გამოიცა ენდოკრინული საზოგადოებისა (Endocrine Society) და მედიცინის ინსტიტუტის (IOM) D ვიტამინის დეფიციტის გაიდლაინები, 2019 წელს ევროპის თირეოიდული ასოციაციის (ETA) გაიდლაინები გრეივსის დაავადების და (ETA/EUGOGO) გრეივსის ორბიტოპათიის შესახებ, ხოლო 2021 წელს ATA-ის გაიდლაინები ფარისებრი ჯირკვლის კვანძებისა და კიბოს შესახებ და ფარისებრი ჯირკვლის კიბოს RAI თერაპიის შესახებ.

პაატა ქავთარია

კარდიოლოგი, თბილისი, საქართველო

2014 - დღემდე - კლინიკა "კარდიოს" კარდიოლოგი-კონსულტანტი;

2003 - 2017წ. - საჩხერის საავადმყოფო - პოლიკლინიკური გაერთიანების კარდიოლოგიური სამსახურის კურატორი;

2000-2014წ. - შპს "კარდიოექსპრეს დიაგნოსტიკის" კარდიოლოგი-კონსულტანტი;

1998 - დღემდე - "კარდიოექსპრესის" ჟურნალი ექიმებისთვის რედაქტორი;

1995-2002 წ. - თავდაცვის სამინისტროს ცენტრალური სამხედრო ჰოსპიტალის ინტენსიური თერაპიის განყოფილების გამგე;

1994-დღემდე - შპს "კარდიოექსპრესის"დამფუძნებელი;

1987-2005 წ. - წინამძღვრიშვილის სახელობის კარდიოლოგიის ს/კ ინსტიტუტის კარდიორეანიმატოლოგი;

ლელა ირემაძე

რეპროდუქტოლოგი, თბილისი, საქართველო

ლელა ირემაძე - რეპროდუქტოლოგი, მეან გინეკოლოგი;

2021 წ-დან მედიცინის აკადემიური დოქტორი

2025 წ-დან GAU-ს ასოცირებული პროფესორი

2025 წ-დან ზურაბ საბახატარშვილის რეპროდუქციული კლინიკის- კლინიკური დირექტორი

2023 წ-დან ამავე კლინიკის ინ ვიტრო განაყოფიერების მიმართულების ხელმძღვანელი

მისი ინტერესის სფეროა - უნაყოფობა, ინ ვიტრო განაყოფიერება ( IVF)

სამედიცინო განათლება მიღებული აქვს - თბილისის სახელმწიფო უნივერსიტეტში ( თსუ)

გავლილი აქვს ორი კლინიკური რეზიდენტურა:

( I ) მეან გინეკოლოგიაში - თბილისის სახელმწიფო სამედიცინო უნივერსიტეტში (თსსუ) -2009-2014 წწ

(II) რეპროდუქტოლოგიაში - თბილისის სახელმწიფო უნივერსიტეტში (თსუ) ( 2014- 2015წწ)

2017 წლიდან დღემდე- მუდმივად გადის კვალიფიკაციას- ევროპისა (IVI Valencia; Spain) და ამერიკის ( New York; Koffina IVF Center) წამყვან ინ ვიტრო განაყოფიერების ცენტრებში;

2015 წლიდან დღემდე- ლელა ირემაძე არის - ევროპისა ( European Society of Human Reproduction and Embryology (ESHRE) და ამერიკის (American Society of Human Reproduction and Embryology (ASRM )- ადამიანის რეპროდუქციისა და ემბრიოლოგიის საზოგადოების წევრი.

იგი არის წიგნების ავტორი:

პათოლოგიური სისხლდენა საშვილოსნოდან

ინ ვიტრო განაყოფიერების გზამკვლევი

ლელა ირემაძე არის შემდეგი სამეცნიერო ნაშრომების ავტორი:

Iremadze L,et al. Endometrium or Embryo Quality in Minimal or Mild Endometriosis -Related Infertility. Tbilisi Medical Journal,2017

Iremadze L,et al.Association Between Fallopian Tube Length and General Endometriosis in infertile patients; Retrospective Cohort Study.2022

Iremadze L,et al.Neonatal Uterine Bleeding as a Precursor to Endometriosis in Adulthood. African Journal of Reproductive Health, 2022

Iremadze L,et al.A Rare Case of Uterine Artery Preudoaneurysm After Hysteroscopic Management of trophoblastic Disease 2026

იგი მუდმივად ესწრება საერთაშორისო და ადგილობრივ კონფერენციებს, როგორც მომხსენებელი და ასევე როგორც მონაწილე.

ქეთევან ჩაგუნავა

კარდიოლოგი, თბილისი, საქართველო

ქეთევან ჩაგუნავა გახლავთ კარდიოლოგი, მედიცინის დოქტორი 32 წლიანი სამუშაო გამოცდილებით როგორც ამბულატორიულ, ასევე არაინვაზიურ კარდიოლოგიაში.

მას ასევე აქვს 20 წლიანი პედაგოგიური გამოცდილება. 1988 წელს დაამთავრა თბილისის სახელმწიფო სამედიცინო უნივერსიტეტის სამკურნალო ფაკულტეტი. კარდიოლოგიისა და რადიოლოგიის სპეციალიზაციის კურსის გავლის შემდგომ, მუშაობდა ქ.თბილისის სხვადასხვა წამყვან კლინიკაში.

2005 წელს თერაპიის ეროვნული ცენტრის ბაზაზე დაიცვა საკანდიდატო დისერტაცია. ამჟამად ქ.ჩაგუნავა არის შპს „ნიუ ჰოსპიტალსის“ კარდიოლოგიური დეპარტამენტის წამყვანი კარდიოლოგი, კვლევის ფუნქციური მეთოდების მიმართულების ხელმძღვანელი.

ის ასევე გახლავთ თსსუ სარეზიდენტო პროგრამის კოორდინატორი და ლოკალური ხელმძღვანელი კარდიოლოგიის სპეციალობით.

2012-2018 წლებში ქეთევან ჩაგუნავა იყო შ.რუსთაველის ეროვნული სამეცნიერო ფონდის ფუნდამენტური კვლევების კატეგორიაში გამარჯვებული 2 პროექტის თანაავტორი და ძირითადი შემსრულებელი, 2015-2020 წლებში კი - საერთაშორისო მულტიცენტრული რანდომიზებული კვლევის მთავარი მკვლევარი.

ქ. ჩაგუნავა არის 50-ზე მეტი სამეცნიერო სტატიის ავტორი, სამეცნიერო კვლევების შედეგები წარდგენილი აქვს მრავალ ადგილობრივ და საერთაშორისო კონგრესზე.

ქეთევან ჩაგუნავა არის საქართველოს კარდიოლოგთა საზოგადოების და ევროპის კარდიოლოგთა ასოციაციის, ევროპის პრევენციული კარდიოლოგიის ასოციაციის წევრი, ასევე, ევროპის კარდიოლოგთა ასოციაციის ჰიპერტენზიის, ინსულტის, კარდიო-ონკოლოგიის საბჭოს წევრი.

ნინო ჯიქურაული

ენდოკრინოლოგი, თბილისი, საქართველო

დიაბეტის კვლევის და მართვის დეპარტამენტის ხელმძღვანელი ენდოკრინოლოგიის ეროვნულ ინსტიტუტში.

2006 წლიდან აქვს მუშაობის გამოცდილება როგორც ამბულატორიულ, ისე სტაციონარულ განყოფილებაში, მათ შორის ენდოკრინულ ქირურგიაში. 2011 წლიდან ენდოკრინოლოგიის ეროვნული ინსტიტუტის სხვადასხვა რეგიონულ და დედაქალაქის ფილიალებში პრაქტიკულ კონსულტაციებს უწევს პაციენტებს და იღებს აქტიურ მონაწილეობას ინსტიტუტის ყოველდღიურ და საერთოშორისო აქტივობებში.

მონაწილეა და გავლილი აქვს ენდოკრინოლოგთა საგანმანათლებლო გლობალური ქსელის სპიკერთა პროგრამა 2024 წელს ; სპიკერთა კურსი „Diamonds Rising stars“ 2017 წელს; „კოლუმბიის უნივერსიტეტის სემინარი, დიაბეტი –2012“, (AAF, OMI). აქტიურად იყო ჩართული დიაბეტის შემსწავლელი ევროპის ასოციაციის საერთშორისო პოსტდიპლომური კურსის ლექციებსა თუ მასტერკლასებში , საქართველოში, როგორც მომხსენებელი, ისე თანათავმჯდომარე; 2008 წელს გავლილი აქვს სერთიფიცირებული კურსი გლიკემიის უწყვეტი მონიტორინგის სისტემებსა და პომპით თერაპიაში

2022 წლიდან აქტიურად არის ჩართული აკადემიურ საგანმანათლებლო საქმიანობაში როგორც მიწვეული ლექტორი ენდოკრინოლოგიის მიმართულებით, ინგლისურ სექტორზე

იგი ასევე კითხულობს ლექციებს და წარმართავს სემინარებს ენდოკრინოლოგებისა და ოჯახის ექიმებისთვის, როგორც ადგილობრივად, ისე, საზღვარგარეთ.

2022 წელს მიღებული აქვს ჯილდო მედიცინის სფეროში შეტანილი წვლილისთვის, ამიერკავკასიის ექიმთა ლიგის თაოსნობით.

არის ევროპის ენდოკრინოლოგთა და ევროპის სიმსუქნის შემსწავლელი ასოციაციის წევრი და საქართველოს სიმსუქნის შემსწავლელი ასოციაციის ბორდის წევრი. მისი კლინიკური და სამეცნიერო ინტერესის სფეროებია შაქრიანი დიაბეტი, სიმსუქნე და თირეოიდოლოგია.

ლალი ფხალაძე

თბილისი, საქართველო

ლალი ფხალაძე, მედიცინის აკადემიური დოქტორი, ექიმი რეპროდუქტოლოგი, გინეკოლოგი, ივანე ჯავახიშვილის თბილისის სახელმწიფო უნივერსიტეტის პროფესორი, ჟორდანია - ხომასურიძის რეპროდუქტოლოგიის ინსტიტუტის კლინიკური დირექტორი, ზუგდიდის შოთა მესხიას სახელობის სახელმწიფო უნივერსიტეტის მოწვეული ლექტორი. საქართველოს რეპროდუქციული ჯანმრთელობის ასოციაციის გენერალური მდივანი, ევროპის გინეკოლოგთა ასოციაციის(ESG) ბორდის წევრი. რეპროდუქტოლოგიის რეზიდენტურის პროგრამის თანაავტორი, დირექტორი და მოდულების ხელმძღვანელი. EGOI- PCOS საერთაშორისო ექსპერტი, გინეკოლოგიური ენდოკრინოლოგიის საერთაშორისო საზოგადოების (ISGE) სერტიფიცირებული პრაქტიკოსი PCOS მართვის სფეროში.

ადგილობრივი და საერთაშორისო კონფერენციების და კონგრესების ორგანიზატორი და სპიკერი. ჯონ ჰოპკინისი უნივერსიტეტის საერთაშორისო ტრენერი რეპროდუქციული ჯანმრთელობის სფეროში. საერთაშორისო კვლევების ძირითადი მკვლევარი. უწყვეტი პროფესიული განვითარების პროგრამის „პოლიცისტური საკვეცხეების სინდრომი მოზარდობიდან მენოპაუზამდე - მართვის სტრატეგიები“ ავტორი.

50 სამეცნიერო პუბლიკაციის, 2 სახელმძღვანელოს, ეროვნული გაიდლაინის და პოპულარული სამედიცინო სტატიების ავტორი.

ძირითადი ინტერესების სფერო: პოლიცისტური საკვერცხეების სინდრომი, მოზრდილთა და მოზარდთა გინეკოლოგიური ენდოკრინოლოგია, რეპროდუქციული ჯანმრთელობა, უშვილობა, ორსულობის დანაკარგები, მენოპაუზა და კლიმაქსური სინდრომი.